Eskultura Anizgarriaren I. Lehiaketa, helburutzat "argizari galduzko" galdaketa prozesuaren bitartez obra anizgarriaren sormen artistikoa bultzatzea daukana.

ALFA ARTE S.A. arte galdaketan espezializatutako enpresa da, 1920an sorturiko ALFA enpresa taldeko kidea. Brontzea lantzen jarduten du, artelan bihurtzeraino, "argizari galduzko" galdaketa prozeduraren bidez.

Baliabide tekniko handiak eta bere langileen trebezia lagun, enpresak badu gaitasunik artelan bat ekoizteko prozesuaren garapen orokorra bere gain hartzeko, hasi ideia bururatzetik eta hura gauzatzeraino, brontzean zein beste edozein materialetan (aluminio, burdina, altzairu cortena, herdoilgaitza...).