| MARRAZKIAK MARGOTU
Zeinek ez ditu ezagutzen ‘Marrazkiak margotu’ liburuxkak? Ideia horretatik abiatuta, Txokolarte grafikagintzako lantegiak, jolas ezagun horren bitartez, grafikagintzaren munduan sartzea proposatzen du. Konnotazio ludikoz betetako haur jolas hori erabiliz zokomiran ibili nahi dugu aura artistikoaren eta seriazioaren arteko mugetan, eta horrek "gune mugatuen" barruko esperimentaziorako sarrera gisa balioko digu. Berrogeita zortzi artista ditu lagun Txokolartek proposamen honetan, era guztietako irudiak jartzen dituztela, ohiturazko liburuxken formatuari jarraituta. Hainbat ikuspuntu, ikuskera eta adierazpide, ikusleari aukera sorta handiagoa eskaintzen diotenak, esperientzia aberastuz. Bisitariak joko taula berean jarriko du zalantzan (edo ez) egiten duena eta proposamena bera. |
|
